აჭარის უმაღლესი საბჭოს თავმჯდომარე ცოტნე ანანიძე, ხელვაჩაურის მუნიციპალიტეტის მერი ზაზა დიასამიძე, აჭარის განათლებისა და სპორტის მინისტრი მაია ხაჯიშვილი, ახალგაზრდული კონგრესის გახსნის ღონისძიებას დაესწრნენ.
კონგრესს მოწვეული სტუმრის სტატუსით ესწრებოდა აჭარის მთავრობის თავმჯდომარის მეუღლე სოფიო ბაკურიძე. შეხვედრაზე საუბარი შეეხო ახალგაზრდებისთვის მნიშვნელოვან და აქტუალურ საკითხებს, მონაწილეებს შესაძლებლობა ჰქონდათ დაესვათ კითხვები და მიეღოთ მათზე პასუხები.
კონგრესის თემებს წარმოადგენდა: პიროვნული განვითარება, მოტივაცია და დროის მენეჯმენტი. ტრენინგს წარუძღვა ფსიქოლოგი და პიროვნული განვითარების ტრენერი ნათია გოცაძე, რომელმაც ახალგაზრდებს გაუზიარა პრაქტიკული გამოცდილება და რჩევები პიროვნული ზრდის, მოტივაციის შენარჩუნებისა და დროის ეფექტურად მართვის მიმართულებით.
ღონისძიების ფარგლებში განიხილეს ახალგაზრდებში პიროვნული განვითარების, მოტივაციის ამაღლებისა და დროის ეფექტიანი მართვის საკითხები. შეხვედრას უძღვებოდა ფსიქოლოგი და პიროვნული განვითარების ტრენერი ნათია გოცაძე.
ღონისძიებას ასევე ესწრებოდნენ, საკანონმდებლო, აღმასრულებელი და თვითმმართველობის წარმომადგენლები. ახალგაზრდულ კონგრესში მონაწილეობდა აჭარის რეგიონში რეგისტრირებული 14-დან 29 წლის ჩათვლით 300-მდე ახალგაზრდა