აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, საქართველოს პროკურატურის მიერ 2024 წელს მიმდინარე აქციების დროს, ლევან ხაბეიშვილის, ზვიად მაისაშვილის და გურამ როგავას მიმართ განხორციელებული ძალადობის ფაქტებზე 3 ყოფილი და 1 მოქმედი სპეცრაზმელის დააკავების ფაქტს სოციალურ ქსელში ეხმიანება.
ანანიძის განცხადებით, აღსრულებულია პრემიერ-მინისტრ, ირაკლი კობახიძის მიდგომა და ის პირები, რომლებმაც აქციებზე ძალა ბოროტად გამოიყენეს და კანონი დაარღვიეს პასუხს აგებენ.
„დაპირებული ობიექტურობა: სახელმწიფო არავის აფარებს ხელს! პრემიერის მიდგომა აღსრულდა, ვინც აქციებზე კანონს არღვევს ან ძალას ბოროტად იყენებს, პასუხს აგებს. ეს არის ინსტიტუციური სამართლიანობის სწორი გზა,“- წერს ცოტნე ანანიძე.