ახმეტის მუნიციპალიტეტის მერი ალექსი ფიცხელაური სამხედრო გაწვევისა და რეკრუტირების ეროვნული სააგენტოს წარმომადგენლებს შეხვდა.
შეხვედრაზე სამხედრო აღრიცხვის, გაწვევისა და რეკრუტირების პროცესში მიღწეული პროგრესი და არსებული გამოწვევები განიხილეს. განსაკუთრებული ყურადღება დაეთმო ადგილობრივი თვითმმართველობისა და სააგენტოს კოორდინირებული მუშაობის მნიშვნელობას.
სააგენტოს წარმომადგენლებმა ალექსი ფიცხელაურს მადლობა გადაუხადეს წარმატებული და ნაყოფიერი თანამშრომლობისთვის, გამოთქვეს მზაობა მომავალი თანამშრომლობის გაძლიერებაზე და ახალგაზრდებში ცნობიერების ამაღლების მნიშვნელობაზე. შეხვედრას ადგილობრივი ხელისუფლების სხვა წარმომადგენლებიც ესწრებოდნენ.