,,ჩვენ ვუერთდებით პროტესტს, რომელიც ემსახურება ევროპულ ოჯახში ინტეგრაციას, თუმცა, ჩვენ გვქონდა გულწრფელი მოთხოვნა გვცოდნოდა გეგმა, მაგრამ არ მოვისმინეთ გეგმა. მოვისმინეთ ერთ-ერთი გეგმის შემადგენელი ნაწილი, რაღაცა ქმედება, მაგრამ საბოლოო სახით, როგორ მივდივართ, სტრატეგია ჩვენთვის არის უცნობი. სამწუხაროა, მაგრამ გვქონდა კომუნიკაციის ნაკლებობა, ეს არ ვიცი შეიძლება ჩვენი ბრალიც იყოს, ან მათი ბრალიც. მაგრამ, გულწრფელი ემოცია იყო, მოვითხოვეთ გეგმა, თუმცა…” – ასე უპასუხა ტელეკომპანია პირველის ჟურნალისტს სტუდენტური ორგანიზაციის წარმომადგენელმა სერგი გიგანმა.
როგორც გიგანმა აღნიშნა, მათ ჰქონდათ კამპანია მოსახლეობასთან და მისი თქმით, მათთვის გაუგებარი იყო თუ რას ითხოვდნენ აქციის ორგანიზატორები. როგორც გიგანი აღნიშნავს, საზოგადოებამ უნდა იცოდეს გეგმა, თუ რას რატომ აკეთებს.