ევროპის ჩემპიონატზე არჩილ მალაყმაძემ აკვრაში ბრინჯაოს მედალი მოიპოვა.
ბათუმი ძალოსნობაში ევროპის ჩემპიონატს მასპინძლობს. 79 კილოგრამ წონით კატეგორიაში აკვრაში არჩილ მალაყმაძემ 183 კგ დაძლია და ბრინჯაოს მედალი მოიპოვა.
ქართველმა ძალოსანმა ატაცში 153 კგ დააფიქსირა, რაც მეხუთე შედეგი იყო, ორჭიდის ჯამში მოგროვებული 336 კილოგრამით კი მან მეოთხე ადგილი დაიკავა.
ევროპის ჩემპიონატზე ქართველი ძალოსნის გამოსვლას ხელვაჩაურის მუნიციპალიტეტის მერის მოადგილეები, საკრებულოს თავმჯდომარის მოადგილეები, მერიისა და საკრებულოს წარმომადგენლები ესწრებოდნენ.