ისრაელის ელჩი საქართველოში, რან გიდორი, Facebook-ის გვერდზე, „თბილისი პრაიდის“ კვირეულის ფარგლებში, საქართველოს შინაგან საქმეთა სამინისტროს მიერ გატარებულ ღონისძიებებს დადებითად აფასებს.
„ვულოცავ საქართველოს შინაგან საქმეთა სამინისტროს უსაფრთხოების ღონისძიებების სამაგალითოდ გატარებას წლევანდელი „თბილისი პრაიდის“ დროს. საქართველოს კონსტიტუციით განმტკიცებული თანასწორობისა და მრავალფეროვნების ღირებულებების ეფექტიანად დასაცავად, გაერთიანებული იყო დეტალური დაგეგმვა, სენსიტიური დიალოგები და თავდაუზოგავი ხელმძღვანელობა“, – წერს დიპლომატი.