„იმედის გაღვივება, მშვიდობის უზრუნველყოფა და სამართლიანობის უზრუნველყოფა მომავალი თაობებისთვის“ – ამ თემებს მიეძღვნება საპარლამენტთაშორისო კავშირის 152-ე ასამბლეა, რომელსაც წელს თურქეთი მასპინძლობს. ასამბლეა სტამბოლში დღეს იხსნება.
ღონისძიებაში მონაწილეობისთვის 2500 ზე მეტი სტუმარია რეგისტრირებული, სტამბოლში 157 ქვეყნის დელეგაციებს და 77 სპიკერს ელოდებიან.
ასამბლეაში მონაწილეობას მიიღებს საქართველოს დელეგაცია, პარლამენტის თავმჯდომარის ხელმძღვანელობით. შალვა პაპუაშვილი სიტყვით მიმართავს ასამბლეის მონაწილეებს. დაგეგმილია პირველი კანონმდებლის არაერთი პირისპირ შეხვედრა.