ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი კიევში დაგეგმილ LGBTQ+ აღლუმს ეხმიანება, რომელიც ამ ზაფხულს, 14 და 21 ივნისს გაიმართება. მაჭავარიანის თქმით, უკრაინაში მე-5 წელია ომი მიმდინარეობს, მილიონამდე დაღუპულია, ათობით მილიონი ადამიანი უსახლკაროდაა დარჩენილი და ფაქტობრივად, მთელი ქვეყნის ინფრასტრუქტურა განადგურებულია და ამ ყველაფრის ფონზე, უკვე კიევშიც ორი LGBT მარში დაიგეგმა.
“იმის ფონზე, რომ უკრაინაში მე-5 წელია ომი მიმდინარეობს, მილიონამდე დაღუპულია, ათობით მილიონი ადამიანი უსახლკაროდაა დარჩენილი და ფაქტობრივად, მთელი ქვეყნის ინფრასტრუქტურა განადგურებულია. იმის ფონზე, რომ უკრაინა „გადააგდეს“ ნატოსა და ევროკავშირში მიღებაზე, იმის ფონზე, რომ უკრაინა „გადააგდეს“ რუსული გაყინული ასობით მილიარდი დოლარის აქტივების გადაცემაზე – უზენაესმა სასამართლომ ორი მამაკაცისგან შემდგარი ერთსქესიანი წყვილი ოჯახად აღიარა ამ ყველაფრის ფონზე, ხარკოვში ორჯერ გაიმართა გეი აღლუმი, ხოლო ასევე ამ ყველაფრის ფონზე, ახლა უკვე კიევშიც ორი LGBT მარში დაიგეგმა. ვისაც, უკრაინის მთავრობა ეროვნულ ხელისუფლებად მიგაჩნიათ, უკვე დროა, ცოტა კრიტიკული აზროვნება დაიწყოთ”- წერს მაჭავარიანი.