ქალაქ გორში გაიმართა საქართველოს ჩემპიონატი სპორტულ კარატეში, სადაც წარმატებით იასპარეზეს ხელვაჩაურის სასპორტო სკოლის სპორტსმენებმა.
ჩვენი მუნიციპალიტეტის წარმომადგენლებმა მაღალი ოსტატობა, მიზანდასახულობა და ბრძოლისუნარიანობა გამოავლინეს, მათ ოქროსა და ბრინჯაოს მედლები მოიპოვეს.
შედეგები შემდეგნაირად გადანაწილდა:
ანდრია ონიანი – ოქროს მედალი
გიგი ჟოჟაძე, გიგი ქედელიძე, ქეთი ხარაძე, თათია ფუტკარაძე და ესმა რასულოვა – ბრინჯაო
ხოლო, მცხეთაში გამართულ საქართველოს ჩემპიონატზე ბერძნულ-რომაულ ჭიდაობაში 17-წლამდელთა შორის, ხელვაჩაურის სასპორტო სკოლის სპორტსმენმა ვერცხლის მედალი მოიპოვა.
რეზი ხიმშიაშვილი – ვერცხლი
სპორტსმენები დაჯილდოვდნენ შესაბამისი ხარისხის მედლებითა და სიგელებით.
ვულოცავთ ჩვენს ახალგაზრდებს მნიშვნელოვან წარმატებას. ვისურვებთ კიდევ ბევრ გამარჯვებას მომავალ ასპარეზობებზე.