დიდუბის რაიონის გამგეობა საგზაო ინფრასტრუქტურის მოწესრიგებას აქტიურად განაგრძობს.
ამჯერად ასფალტის საფარი დიღმის მასივის მეხუთე კვარტლის მე-6 კორპუსის მიმდებარედ, 1 200 კვ.მ ფართობზე დაიგება. ამ ეტაპზე, ტერიტორიაზე მიმდინარეობს ასფალტის დაგებისთვის საჭირო მოსამზადებელი სამუშაოები. პროექტის ღირებულება 100 000 ლარს შეადგენს.
სამუშაო პროცესს ადგილზე გაეცნენ დიდუბის რაიონის გამგებელი დავით გელოვანი, მისი მოადგილე ზურაბ უგულავა და თბილისის საკრებულოს დიღმის მასივის მაჟორიტარი დეპუტატი შოთა ქევხიშვილი.