დიდუბის რაიონის გამგეობის ადმინისტრაციულ შენობაში კომპანია „ჯორჯიან უოთერ ენდ ფაუერის“ წარმომადგენლებთან სამუშაო შეხვედრა გაიმართა.
შეხვედრას დიდუბის რაიონის გამგებელ დავით გელოვანთან ერთად მისი მოადგილეები – ზურაბ უგულავა და მამუკა ვეკუა, ასევე, სამსახურის უფროსები და თბილისის საკრებულოში დიღმის მასივისა და დიდუბის მაჟორიტარი დეპუტატები – შოთა ქევხიშვილი და გივი ჩხარტიშვილი ესწრებოდნენ.
დღის წესრიგი 2026 წლის ბიუჯეტით განსაზღვრულ ინფრასტრუქტურულ პროექტებს მოიცავდა, რომელთა განხორციელებაც კომპანია „GWP”-ის ჩართულობით არის დაგეგმილი.
მხარეებმა იმსჯელეს სამუშაოების ეტაპობრივად წარმართვაზე, ტექნიკურ პარამეტრებსა და შესრულების ვადებზე, ასევე, კოორდინაციის მექანიზმებზე, რათა პროცესები მაქსიმალურად ეფექტიანად და ორგანიზებულად წარიმართოს.
შეხვედრისას დიდუბის გამგებელმა აღნიშნა, რომ პრიორიტეტად რჩება სამუშაოების ხარისხიანი და დადგენილი სტანდარტების სრული დაცვით შესრულება, რაც ხელს შეუწყობს არსებული ინფრასტრუქტურის გაუმჯობესებას.