კახეთის რეგიონში “სოფლის მხარდაჭერის პროგრამის” ფარგლებში მოსახლეობასთან შეხვედრები დაიწყო. კახეთის მხარეში სახელმწიფო რწმუნებულმა, გიორგი ალადაშვილმა ახმეტის მუნიციპალიტეტის ადგილობრივი ხელისუფლების წარმომადგენლებთან ერთად, აღნიშნული პროგრამით გათვალისწინებული საკონსულტაციო შეხვედრები, სოფლების – აწყურის და ზემო ხოდაშენის მოსახლეობასთან გამართა.
“სოფლის მხარდაჭერის პროგრამის” ფარგლებში, გამართული შეხვედრების მიზანს წარმოადგენს, ადგილზე არსებული გამოწვევებისა და საჭიროებების გათვალისწინებით, მოსახლეობის მიერ პრიორიტეტული საპროექტო წინადადებების შერჩევა.
კახეთის რეგიონის მასშტაბით, “სოფლის მხარდაჭერის პროგრამის” ფარგლებში, შეხვედრები 244 დასახლებულ პუნქტში გაიმართება. აღნიშნული პროგრამის განხორციელების მიზნით, ცენტრალური ბიუჯეტიდან კახეთში 4 445 000 ლარია გამოყოფილი.