საქართველოს მთავრობის 2020 წლის 23 იანვრის №54 დადგენილების თანახმად, საქართველოში კლიმატის ცვლილებისგამომწვევი სათბურის აირების შემამცირებელი და კლიმატის ცვლილებით გამოწვეული საფრთხეების პრევენციული ღონისძიებების კოორდინირების მიზნით შეიქმნა კლიმატის ცვლილების საბჭო.
საბჭოში შემავალი საკოორდინაციო ჯგუფი კი, რომელიც შედგება მერების შეთანხმების ხელმომწერი მუნიციპალიტეტების მერებისგან, ქ. თბილისის მუნიციპალიტეტის მერის მოადგილისა და სახელმწიფო რწმუნებულებისგან, წარმოადგენს საბჭოსმრჩეველ ორგანოს და ემსახურება კლიმატის ცვლილების სფეროში სახელმწიფო და თვითმმართველობის ორგანოებს შორის კოორდინაციას.
სწორედ აღნიშნული საკოორდინაციო ჯგუფის ფარგლებში,საქართველოს გარემოს დაცვისა და სოფლის მეურნეობის სამინისტროსთან შეთანხმებით, 24 ივნისს ქ. თბილისში სასტუმრო ,,უინდემ გრანდ თბილისი”-ში მდგრადი ენერგეტიკისა და კლიმატის გეგმის (SECAP) მეთოდოლოგიის დასამტკიცებლად, მერების შეთანხმების ხელმომწერი მუნიციპალიტეტებისათვის კლიმატის ცვლილების საბჭოს გაფართოებული სხდომა გაიმართა, რომელსაც ახმეტის მუნიციპალიტეტის მერი ალექსი ფიცხელაური ესწრებოდა.ახმეტის მუნიციპალიტეტისა და კავკასიის რეგიონულ გარემოსდაცვით ცენტრს შორის გაფორმებული ურთიერთგაგების მემორანდუმის ფარგლებში მერიის წარმომადგენლებს ხათუნა ჯუგაშვილს, ნინო არაბულს და ლადო კახოიძეს, რომლებიც აქტიურად მონაწილეობდნენ მდგრადი ენერგეტიკისა და კლიმატის სამოქმედო გეგმის შემუშავებაში, ღონისძიების ბოლოს სერტიფიკატები გადაეცათ.