უამრავი ადამიანისთვის ჯანსაღი კვება უბრალოდ სურვილი აღარ არის, ის მათი ყოველდღიური ცხოვრების სტილია. გიფიქრია რას მიირთმევ ყოველდღიურად, როგორ ამზადებ და რამდენად სასარგებლოა შენ მიერ მომზადებული კერძები? სწორედ ამ ტენდენციის ფონზე გახდა აეროგრილი ჯანსაღი სამზარეულოს ერთ–ერთი მთავარი მოწყობილობა.
ეს მოწყობილობა არა მხოლოდ ამარტივებს მომზადებას, არამედ, გეხმარება, შეამცირო ცხიმი, კალორიები და დრო, რომელსაც სამზარეულოში ატარებ.
აეროგრილი: ნაკლები ზეთი და მეტი სარგებელი
აეროგრილის მთავარი უპირატესობა ის არის, რომ კერძების მომზადება მარტივად შეგიძლია, პრაქტიკულად, ზეთის გარეშე.
თუ ადრე კარტოფილი, ქათამი ან ბოსტნეული დიდ რაოდენობით ცხიმში იწვებოდა, ახლა იგივე შედეგს იღებ ცხელი ჰაერის ცირკულაციით. ეს ნიშნავს ნაკლებ კალორიას, ნაკლებ ქოლესტერინს და ბევრად მსუბუქ საკვებს.
აეროგრილში მომზადებული საკვები რჩება გარედან ხრაშუნა და წვნიანი შიგნით, ზედმეტი ცხიმის გარეშე.
აეროგრილს არ სჭირდება წინასწარ გაცხელება, კერძების მომზადების პროცესი კი სწრაფი და მარტივია.
არ გჭირდება მუდმივი კონტროლი ან მორევა, უბრალოდ, ირჩევ შესაბამის რეჟიმს და ელოდები შედეგს. ეს განსაკუთრებით მოსახერხებელია დატვირთული გრაფიკის მქონე ადამიანებისთვის.
მრავალფუნქციური შესაძლებლობები ერთ მოწყობილობაში
აეროგრილი მხოლოდ ჯანსაღად არ წვავს, ის, რეალურად, მრავალფუნქციური სამზარეულოს ტექნიკაა, რომელიც ერთ მოწყობილობაში აერთიანებს რამდენიმე ფუნქციას:
- შეწვავ ზეთის გარეშე
- გამოაცხობ (ბოსტნეულს, ხორცს, თევზს)
- საკვები არ გამოშრება
- გაყინულ პროდუქტებს სწრაფად მოამზადებ
ეს ყველაფერი ნიშნავს, რომ ყოველდღიურ მენიუს მარტივად გაამრავალფეროვნებ და ნაკლებ ტექნიკას გამოიყენებ.
ჯანსაღი ჩვევების ჩამოყალიბება ყოველდღიურად
აეროგრილი ხელს გიწყობს არა მხოლოდ ერთჯერად, დიეტურ კვებაში, არამედ, ჯანსაღი ჩვევების ჩამოყალიბებაშიც.
როცა იცი, რომ გემრიელი საკვების მომზადება სწრაფად და მარტივად შეგიძლია, ნაკლებად გიჩნდება სურვილი, შეუკვეთო ე.წ. ფასტფუდი ან ნახევარფაბრიკატები. უპირატესობას მიანიჭებ უფრო მეტ ბოსტნეულს და ცილოვან, სახლის პირობებში მომზადებულ კერძებს. ეს კი პირდაპირ აისახება შენს ჯანმრთელობაზე, ენერგიასა და ცხოვრების ხარისხზე.
ეს ყველაფერი რომ შევაჯამოთ, აეროგრილი პასუხობს თანამედროვე ადამიანის მთავარ მოთხოვნებს – ჯანსაღ კვებას, დროის დაზოგვას და კომფორტს. სწორედ ამიტომ, ის დღეს უკვე ბევრ სამზარეულოში აუცილებელ ტექნიკად იქცა.
თუ ჯანსაღი ცხოვრების დაწყებას შენც გეგმავ, გახსოვდეს, აეროგრილი ამისთვის ერთ–ერთი ყველაზე პრაქტიკული და აუცილებელი მოწყობილობაა.