გამოცემა Defense One ავრცელებს ინფორმაციას ეროვნული უსაფრთხოების სტრატეგიის უფრო ვრცელი ვერსიიდან, რომელიც ასახავს ტრამპის ადმინისტრაციის გეგმებს ძველი ურთიერთობების დანგრევისა და ახლის შექმნის შესახებ.
“ძლიერი, ტრადიციული ოჯახების” და “ამერიკული სულიერი და კულტურული ჯანმრთელობის განახლების” მოწოდებებით, ეროვნული უსაფრთხოების უახლესი სტრატეგია მნიშვნელოვნად განსხვავდება არა მხოლოდ მისი უშუალო წინამორბედისგან, არამედ ტრამპის პირველი ადმინისტრაციისგანაც კი.
მიუხედავად იმისა, რომ საჯაროდ გამოქვეყნებული დოკუმენტი მოუწოდებს “ნატოს მუდმივი გაფართოების” დასრულებისკენ, სრული ვერსია უფრო დეტალურად აღწერს, თუ როგორ სურს ტრამპის ადმინისტრაციას “ევროპის კვლავ დიდებულად გახდომა” (Make Europe Great Again).
“იმის გათვალისწინებით, რომ ევროპა “ცივილიზაციური წაშლის” წინაშე დგას მისი მიგრაციული პოლიტიკისა და “თავისუფალი სიტყვის ცენზურის” გამო, ეროვნული უსაფრთხოების სტრატეგია გვთავაზობს, რომ აშშ-ის ურთიერთობები ევროპულ ქვეყნებთან ფოკუსირებული იყოს რამდენიმე ერზე, რომლებსაც მსგავსი შეხედულებები აქვთ – სავარაუდოდ, მემარჯვენე – ამჟამინდელი ადმინისტრაციები და მოძრაობები”, – წერს Defense One.
ამავე წყაროს ცნობით, ავსტრია, უნგრეთი, იტალია და პოლონეთი ჩამოთვლილია იმ ქვეყნებად, რომლებთანაც აშშ-მა “უფრო მეტად უნდა ითანამშრომლოს… მათი [ევროკავშირიდან] გამოყვანის მიზნით”.
“და ჩვენ უნდა დავუჭიროთ მხარი პარტიებს, მოძრაობებს და ინტელექტუალურ და კულტურულ მოღვაწეებს, რომლებიც ცდილობენ სუვერენიტეტს და ტრადიციული ევროპული ცხოვრების წესის შენარჩუნებას/აღდგენას… პროამერიკული შეხედულებების შენარჩუნებით”, – ნათქვამია დოკუმენტში.