IMG.GE ___________________________________ IMG.GE

11 ივლისს ოკუპანტების მიერ დაკავებული ზაზა გახელაძე ცხინვალის საავადმყოფოში იმყოფება და მისი ჯანმრთელობის მდგომარეობა სტაბილურია. ეს ინფორმაცია უკანონოდ დაკავებული კაცის ოჯახს სახელმწიფო უსაფრთხოების სამსახურის ანალიტიკური დეპარტამენტის დირექტორის მოადგილემ მიაწოდა. ირაკლი ანთაძე ქვემო ჭალაში პრემიერ-მინისტრის მრჩეველთან, სოზარ სუბართან ერთად იმყოფებოდა. მათი განცხადებით, მხარეთა შორის, ცხელი ხაზის მეშვეობით, პერიოდულად ხდება ინფორმაციის გაცვლა. ამასთან, მომხდარზე ინფორმირებულია ყველა საერთაშორისო ორგანიზაცია თუ პარტნიორი.

ირაკლი ანთაძის განცხადებით, პროცესში საერთაშორისო საზოგადოების ინფორმირებაზე მეტყველებს ისიც, რომ ისინი უკვე გამოეხმაურნენ საქართველოს მოქალაქის უკანონოდ დაკავების ფაქტს.

მისივე განმარტებით, ცხელი ხაზის მეშვეობით, ქართულმა მხარემ, დე ფაქტო ცხინვალისგან ​უკვე მოითხოვა, ინციდენტების პრევენციისა და მათზე რეაგირების მექანიზმის ფარგლებში, სამუშაო შეხვედრების აღდგენა.

ამ ფორმატში, ბოლო შეხვედრა წინა წლის აგვისტოში იყო ჩანიშნული, თუმცა დე ფაქტო ხელისუფლების მიზეზით, შეხვედრა ჩაიშალა. ამის შემდეგ მხარეებს შორის კონტაქტი მხოლოდ მხოლოდ ცხელი ხაზის ან ჟენევის საერთაშორისო მოლაპარაკებების ფორმატში მიმდინარეობს.

მიუხედავად იმისა, რომ დე ფაქტო ხელისუფლებისგან პასუხი უცნობია, ქართული მხარე იმედოვნებს, რომ შეხვედრა მალე ჩაინიშნება და ერთ-ერთი მნიშვნელოვანი თემა, რომელზეც მხარეები იმსჯელებენ, იქნება ზაზა გახელაძის გათავისუფლების საკითხი.

კომენტარის დატოვება
IMG.GE
გაზიარება