პოლონეთის პრემიერ-მინისტრის, მატეუშ მორავიეცკის განცხადებით, ევროკავშირის მიერ რუსეთისთვის დაწესებული სანქციები ჯერჯერობით არ მუშაობს. ამის შესახებ მან ევროპარლამენტის პრეზიდენტთან, რობერტა მეტსოლასთნ ერთად გამართულ პრესკონფერენციაზე განაცხადა.
„სანქციები, რომლებიც ევროკავშირმა რუსეთს დაუწესა, ჯერჯერობით არ მუშაობს. ამის დამადასტურებელია რუსული რუბლის გაცვლით კურსი, რომელიც ომამდელ ნიშნულს დაუბრუნდა. ზოგიერთი ლიდერი უკვე საუბრობს ნორმალური ცხოვრების დაბრუნებას, მათ ევროპული ბიზნესი აწვება. ნორმალურ ცხოვრებას ვერ დავუბრუნდებით, თუ უკრაინა საკუთარ თავისუფლებას ვერ დაიცავს“, – განაცხადა მორავიეცკიმ.