გურიის მხარეში სახელმწიფო რწმუნებული გიორგი ღურჯუმელიძე, ოზურგეთის გენერალური გეგმის შემუშავებასთან დაკავშირებით, სივრცითი და ქალაქთმშენებლობითი განვითარების სააგენტოს წარმომადგენლებსა და პროექტის სამუშაო ჯგუფის წევრებს შეხვდა. შეხვედრაზე დოკუმენტის ძირითადი პრიორიტეტები განიხილეს.
აღინიშნა, რომ გენერალური გეგმის მიზანია ქალაქის, როგორც ადმინისტრაციული, ეკონომიკური, ისტორიულ-კულტურული და ტურისტული ფუნქციის გაძლიერება, სოციალური ინფრასტრუქტურისა და სარეკრეაციო სივრცეების მოწესრიგება. პროექტის ფარგლებში, ასევე, მომზადდება პრიორიტეტული საინვესტიციო ჩამონათვალი, რათა შემუშავდეს გზამკვლევი შესაბამისი დაინტერესებული მხარეებისთვის მოკლევადიანი, საშუალოვადიანი და გრძელვადიანი გეგმებით. შეხვედრას რწმუნებულის მოადგილეები და ადგილობრივი ხელისუფლების სხვა წარმომადგენლები დაესწრნენ.