დიდუბის რაიონის გამგეობა მოსასვენებელი სივრცეების განახლებას აქტიურად განაგრძობს. ამჯერად, მოსასვენებელი სივრცის რეაბილიტაცია ევდოშვილის ქუჩის N2/10-ში განხორციელდა.
სამუშაოების ფარგლებში მოეწყო ბილიკები, განათების სისტემა, გაკეთდა საბავშვო სივრცე, დაიდგა ჩოგბურთის მაგიდა, საპარკო სკამები და ურნები.
გარდა ამისა, რეაბილიტაცია ჩაუტარდა მიმდებარედ არსებულ სპორტულ მოედანსაც.
მოსასვენებელი სივრცის მოსაწყობად ადგილობრივი ბიუჯეტიდან 139 000 ლარი გამოიყო. დასრულებულ სამუშაოებს დიდუბის რაიონის გამგებელი დავით გელოვანი, მოადგილესთან და გამგეობის წარმომადგენლებთან ერთად გაეცნო და ადგილობრივ მოსახლეობას შეხვდა.