საქართველოს ევროინტეგრაცია ,,დე ფაქტო” ცალმხრივად შეჩერდა ევროპული საბჭოს 2024 წლის 27 ივნისის განცხადებით. ის, რაც უკვე შეჩერებული იყო, ჩვენი მხრიდან ფიზიკურად ვერ შეჩერდებოდა, – ამის შესახებ საპარლამენტო უმრავლესობის წევრი, გიორგი ჩაკვეტაძე, სოციალურ ქსელში წერს. მისი განცხადებით, პაველ ჰერჩინსკის წერილით დასტურდება, რომ გასული წლის ნოემბერ-დეკემბერში მიმდინარე რადიკალური აქციები სრულად დეზინფორმაციას ეფუძნებოდა. ჩაკვეტაძე აცხადებს, რომ მან 11 ნოემბერს ევროკავშირის ელჩს საჯარო შეკითხვით მიმართა, თუ რატომ შეიყვანეს საზოგადოება შეცდომაში, რაზეც, მეექვსე დღეა, პასუხი არ მიუღია.
“11 ნოემბერს პარლამენტის სხდომაზე საჯარო შეკითხვით მივმართე ევროკავშირის ელჩს, რატომ შეიყვანეს საზოგადოება შეცდომაში და ქუჩაში რატომ გამოიყვანეს. 5 ნოემბერს საგარეო საქმეთა მინისტრის პირველი მოადგილისათვის გაგზავნილი პაველ ჰერჩინსკის წერილით დასტურდება ის, რასაც ჩვენ უკვე ერთი წელია ვამბობთ. საქართველოს ევროინტეგრაცია ,,დე ფაქტო” ცალმხრივად შეჩერდა ევროპული საბჭოს 2024 წლის 27 ივნისის განცხადებით. ის, რაც უკვე შეჩერებული იყო, ჩვენი მხრიდან ფიზიკურად ვერ შეჩერდებოდა. შესაბამისად, ნოემბერ-დეკემბერში მიმდინარე რადიკალური აქციები სრულად დეზინფორმაციას ეფუძნებოდა. სამწუხაროა, რომ მეექვსე დღეა ამ შეკითხვაზე პასუხი არ მიგვიღია.” – წერს გიორგი ჩაკვეტაძე.