დიდუბის რაიონის გამგეობა თევდორე მღვდლის ქუჩის N4-ის ეზოში ბინათმესაკუთრეთა ამხანაგობების განვითარების პროგრამის ფარგლებში, წყლისა და წყალარინების ქსელის სრულ რეაბილიტაციას ახორციელებს.
სამუშაოებისთვის ადგილობრივი ბიუჯეტიდან 50 000 ლარია გამოყოფილი.
მიწისქვეშა კომუნიკაციების მოწესრიგების შემდგომ, ეზოში ასფალტის საფარი დაიგება.
სამუშაო პროცესს დიდუბის რაიონის გამგებელი დავით გელოვანი თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო და ადგილობრივ მოსახლეობას შეხვდა.
