„ქართული ოცნების“ ბათუმის საარჩევნო შტაბის უფროსის, ირაკლი ჭეიშვილის განცხადებით, ბათუმის მე-4 საარჩევნო ოლქში შუალედური არჩევნები მშვიდ ვითარებაში მიმდინარეობს.
ამის შესახებ მან ბრიფინგზე განაცხადა.
„მოქალაქეებს გადაადგილება გარე პერიმეტრზეც მშვიდად შეუძლიათ, თუ არ ჩავთვლით რამდენიმე უბანს, სადაც ტექნიკური ხარვეზი დაფიქსირდა. კერძოდ, ხმის მიცემის აპარატს ტექნიკური ხარვეზი ჰქონდა და 15-20 წუთში პრობლემა აღმოიფხვრა. ამ ეტაპისთვის თოთხმეტივე საარჩევნო უბანზე შეიძლება ითქვას, რომ არჩევნები მშვიდ გარემოში ტარდება, არანაირი ტექნიკური ხარვეზი არ არის და ჩვეულებრივად, კენჭის ყრის პროცესი ელექტრონულად მიმდინარეობს“, – განაცხადა ჭეიშვილმა.