ელენე ხოშტარიას მიერ გადადგმული ნაბიჯები ჩემთვის არის რუსული პროექტი, – ამის შესახებ საპარლამენტო უმრავლესობის წევრმა, ანრი ოხანაშვილმა განაცხადა.
„სწორედ ის ადამიანები არიან ყველაზე მეტად აჟიტირებულები პროდასავლურობით, ვინც ღიად აფიქსირებენ პროდასავლურობას და საქმით აკეთებენ რუსულ საქმეს. მე ვფიქრობ, ამასთან დაკავშირებით ყველა შესაბამისი უწყება, ვისი კომპეტენციაც ეს არის უნდა დაინტერესდნენ, გამოიკვლიონ და მისცენ შესაბამისი მსვლელობა“, – განაცხადა ანრი ოხანაშვილმა.
16 ივნისს „ქრონიკამ“ გაავრცელა ინფორმაცია, რომ „დროას“ დამფუძნებლის ოჯახის წევრის ანგარიშზე რუსეთიდან, პერიოდულად, მილიონობით რუსული რუბლი ირიცხება.
მხოლოდ ბოლო სამი-ოთხი თვის განმავლობაში ელენე ხოშტარიას ოჯახის წევრის სახელზე რამდენიმე მილიონი რუსული რუბლი და ათიათასობით დოლარია ჩარიცხული, საერთო ჯამში დაახლოებით 140-დან 150 ათას დოლარამდე, საიდანაც ნაწილი ჩარიცხულია მოსკოვის დიდი თეატრის, ნაწილი კი რუსეთის ფედერალური ბიუჯეტის ანგარიშიდან.
ხოშტარიამ „ქრონიკის“ მიერ მოპოვებული სკანდალური ინფორმაცია დაადასტურა.