IMG.GE ___________________________________ IMG.GE

რა იყო მიზეზი ტელეკომპანია “მზის” დათმობის? – მაშინაც სურვილი გაგიჩნდათ, რომ დაგეთმოთ? – ამ კითხვით მიმართა ღამის კურიერის წამყვანმა ირაკლი იმნაიშვილმა, ბიზნესმენ ვანო ჩხარტიშვილს, ტელეკომპანია “მზის” წილების დათმობასთან დაკავშირებით, რაზეც მან უპასუხა, რომ ეს არ ყოფილა ნებაყოფლობითი და მიხეილ სააკაშვილმა მასზე იძალადა.

“არა, მაშინ არ გამჩენია სურვილი, მიხეილ სააკაშვილმა პირდაპირი მნიშვნელობით იძალადა ჩემზე, მაიძულა ამ ტელევიზიის დათმობა. 1 ლარად გადავეცი ტელევიზია დავით ბეჟუაშვილს, ასევე გადაცვეცი ცემენტის ქარხანაც და იმ პერიოდში მე ვერ შევძელი ამ ტელევიზიის დაცვა.

ამ საკითზე ორჯერ შემხვდა სააკაშვილი, მერე გააგრძელა უგულავამ, ის იყო ადმინისტრაციის უფროსი და მან პირდაპირ მითხრა “ეს ტელევიზია ჩვენ გვინდა, აქ უნდა გავიდეს “მულტიკები”, სარედაქციო პოლიტიკა ჩვენი უნდა იყოს და ამიტომ მიეცით საშუალება ბეჟუაშვილს, რომ მართოს ტელევიზია” – განაცხადა ვანო ჩხარტიშვილმა.

კომენტარის დატოვება
IMG.GE
გაზიარება