ევროპის მუნიციპალიტეტებისა და რეგიონების საბჭომ (CEMR) მიიღო დეკლარაცია, რომლითაც მოუწოდებს ევროპის საბჭოს, სამივე ქვეყანას – საქართველოს, უკრაინასა და მოლდოვას, მიანიჭოს კანდიდატის სტატუსი.
როგორც დოკუმენტში წერია, საბჭო მზად არის გააგრძელოს ამ სამი ქვეყნის მხარდაჭერა ევროკავშირში გაწევრიანების პროცესში.
დეკლარაციის თანახმად, საბჭო მიიჩნევს, რომ ევროსაბჭომ კანდიდატის სტატუსი უნდა მიანიჭოს უკრაინას, მოლდოვასა და საქართველოს, რათა შენარჩუნდეს აღმოსავლეთ პარტნიორობის არსებული პოლიტიკის თანმიმდევრულობა.
დეკლარაციის ტექსტს ევროპის მუნიციპალიტეტებისა და რეგიონების საბჭოს პოლიტიკის კომიტეტის სხდომაზე მიიღებენ, რომელიც ბოლონიაში 4-5 ივლისს გაიმართება.