გორის მუნიციპალიტეტის მერობის კანდიდატმა “ქართული ოცნებიდან”, კონსტანტინე ბუზალაძემ, სოფელ ზეღდულეთში ახალი საჭიდაო არენა გახსნა. არენაზე, საქართველოს დამსახურებული მწვრთნელის, გურამ პაპიტაშვილის ხსოვნის მემორიალური ტურნირი გაიმართა.
“ტურნირი საკმაოდ სანახაობრივი გამოვიდა, სადაც მონაწილეები საქართველოს სხვადასხვა რეგიონებიდან ჩამოვიდნენ. ზეღდულეთის საჭიდაო არენა მომავალში არაერთ ტურნირს უმასპინძლებს. მომავალი თაობის სპორტში კიდევ უფრო მეტად ჩართვის მიზნით კი, ჩვენს მუნიციპალიტეტში სპორტული სივრცეების მოწყობა მომავალშიც აქტიურად გაგრძელდება. მადლობას ვუხდით ორგანიზატორებს და წარმატებებს ვუსურვებთ ყველა სპორტსმენს,” – წერს კონსტანტინე ბუზალაძე სოციალურ ქსელში.