საქართველოს პრემიერ-მინისტრი ირაკლი კობახიძე მანანა მენაბდის გარდაცვალების გამო მწუხარებას გამოთქვამს.
მთავრობის მეთაური თანაგრძნობას უცხადებს მანანა მენაბდის ოჯახსა და ახლობლებს.
„მწუხარებას გამოვთქვამ ჩვენი თანამედროვეობის გამორჩეული შემსრულებლისა და მუსიკოსის მანანა მენაბდის გარდაცვალების გამო.
მანანა მენაბდე იმ ადამიანთა შორისაა, ვინც სიცოცხლეშივე ლეგენდად იქცა მისი უნიკალური საშემსრულებლო სტილის, მტკიცე ხასიათისა და გამორჩეული პიროვნული თვისებების გამო.
თანავუგრძნობ მანანა მენაბდის ოჯახსა და ახლობლებს”, – აღნიშნავს პრემიერ-მინისტრი.