ოზურგეთში, შეკვეთილის მუსიკოსთა პარკში ქართული ჩაის ფესტივალი გაიმართა, რომელსაც გურიის მხარეში სახელმწიფო რწმუნებული გიორგი ღურჯუმელიძე, მოადგილე ლაშა ჭელიძესთან და ოზურგეთის მუნიციპალიტეტის მერთან, ავთანდილ თალაკვაძესთან ერთად დაესწრო.
ფესტივალზე წარმოდგენილი იყო საქართველოს სხვადასხვა კუთხის 50-ზე მეტი მეწარმის პროდუქციის გამოფენა-გაყიდვა. მოეწყო ღვინის კუთხე, სამეწარმეო ბაზარი, კვების კუთხე, ფოტოგამოფენა. გაიმართა ჩაის დამზადების მასტერკლასი.
ჩაის ფესტივალის მიზანია ხელი შეუწყოს გურიის რეგიონში ჩაის წარმოებას და მოახდინოს მისი პოპულარიზაცია, როგორც სამრეწველო, ასევე, ტურისტული მიმართულებით.