გორის მუნიციპალიტეტის მერობის კანდიდატმა, კონსტანტინე ბუზალაძემ, ლია ჩხიკვაძის ოჯახს მარიამობის დღესასწაული მიულოცა და ახალი საცხოვრებელი კოტეჯი გადასცა. ოჯახი დღეიდან საცხოვრებელი პირობების გაუმჯობესებას შეძლებს. ბუზალაძემ, რომელიც ამავდროულად მერის მოვალეობის შემსრულებელიცაა, აღნიშნა, რომ მიმდინარე წელს გორის მუნიციპალიტეტის მერია კიდევ ოთხ ოჯახს უზრუნველყოფს ახალი საცხოვრებლით.
“მარიამობის დღესასწაული მივულოცეთ ლია ჩხიკვაძის ოჯახს და გადავეცით ახალი საცხოვრისი. მას და მის მცირეწლოვან შვილებს შესაძლებლობა აქვთ დღიდან გადავიდნენ კოტეჯში და გაიუმჯობესონ საცხოვრებელი პირობები. ბედნიერი ვარ, რომ მოგვეცა შესაძლებლობა და ქალბატონ ლიას და მის შვილებს ოცნება აუხდათ. ძალიან ემოციური დღეა, შთამბეჭდავია ამ ბავშვების გაბრწყინებული თვალების ყურება და მიხარია, რომ მათი ემოციების მოზიარე გავხდი. ქალბატონ ლიას აქვს ჯანმრთელობის პრობლემა და გორის მერია ამ მიმართულებითაც ეხმარება. მიმდინარე წელს კიდევ 4 ოჯახს გავახარებთ. ამ დრომდე ახალი საცხოვრისით გორის მუნიციპალიტეტში უზრუნველყოფილია 30-მდე უსახლკარო ოჯახი.” – განაცხადა კონსტანტინე ბუზალაძემ. ამ დრომდე ახალი საცხოვრისით გორის მუნიციპალიტეტში უზრუნველყოფილია 30-მდე უსახლკარო ოჯახი. პროექტი ითვალისწინებს უსახლკარო ან ავარიულ შენობაში მცხოვრები ოჯახების საკუთარ მიწაზე ახალი კოტეჯის მშენებლობას.