გურია პირველი „გემო ფესტის“ მასპინძლობისთვის ემზადება. გასტრონომიული ფესტივალი 23-24 აგვისტოს, ოზურგეთში, შეკვეთილის მუსიკოსთა პარკში გაიმართება.
მოსამზადებელ სამუშაოებს გურიის მხარეში სახელმწიფო რწმუნებული გიორგი ღურჯუმელიძე, ტურიზმის ეროვნული ადმინისტრაციის ხელმძღვანელ მაია ომიაძესთან და ოზურგეთის მუნიციპალიტეტის მერთან ავთანდილ თალაკვაძესთან ერთად გაეცნო.
„გემო ფესტის“ სტუმრებს შესაძლებლობა ექნებათ, აღმოაჩინონ გურული სამზარეულოს ტრადიციული და ნაკლებად ცნობილი, იშვიათი კერძები. ასევე, წარმოდგენილი იქნება გურიაში წარმოებული ღვინო, ჩაი და სხვა ადგილობრივი პროდუქცია. მოეწყობა საბავშვო სივრცე, აგრო ზონა, სამეწარმეო და ღვინის მარკეტი.