თეთრი სახლის პრესმდივანმა, კეროლაინ ლევიტმა განაცხადა, რომ დონალდ ტრამპი და ვლადიმირ პუტინი ალასკის შტატის ქალაქ ანკორიჯში შეხვდებიან ერთმანეთს.
„პრეზიდენტი ტრამპი მტკიცედ არის განწყობილი, შეეცადოს დაასრულოს ეს ომი და შეაჩეროს მკვლელობები. როგორც პრეზიდენტი არაერთხელ აცხადებდა, ის ყოველთვის უპირატესობას მიანიჭებს მშვიდობასა და პარტნიორობას, როცა ეს შესაძლებელია“, – აღნიშნა თეთრი სახლის სპიკერმა.
აშშ-ისა და რუსეთის პრეზიდენტების შეხვედრა 15 აგვისტოს, ალასკის შტატში გაიმართება.
ფოტო შექმნილია ხელოვნური ინტელექტის მიერ