ოპოზიციას არავინ ევაჭრება, მათ გზა შესთავაზეს, – ამის შესახებ საპარლამენტო უმრავლესობის წევრი თენგიზ შარმანაშვილი სოციალურ ქსელში წერს.
შარმანაშვილი „ლელოს” გენერალური მდივნის, ირაკლი კუპრაძის განცხადებას ეხმაურება, რომელმაც დაპატიმრებული ოპოზიციონერების შეწყალებასთან დაკავშირებით პრეზიდენტის შეთავაზება უარი განაცხადა, მიხეილ ყაველაშვილს არალეგიტიმური უწოდა და აღნიშნა, რომ „რუსულ რეჟიმთან” ვაჭრობაში არ შევლენ.
„არავინ ევაჭრება, გზა შესთავაზეს. ამ მათთვის არალეგიტიმური პრეზიდენტისთვის მიმართვას თუ თაკილობენ, ამავე პრეზიდენტის მიერ დანიშნულ არჩევნებში მონაწილეობას როგორ აპირებენ?” – წერს თენგიზ შარმანაშვილი.
საქართველოს პრეზიდენტი მიხეილ ყაველაშვილი მიმართავს პატიმრობაში მყოფ პოლიტიკოსებს, მიმართონ შეწყალების შესახებ განცხადებით, დაადასტურონ არჩევნებში მონაწილეობის სურვილი და დაუყოვნებლივ გამოსცემს შეწყალების აქტს.