2 ივნისს, ბავშვთა დაცვის საერთაშორისო დღისადმი მიძღვნილ კვირეულის ფარგლებში, მცხეთის კულტურის ცენტრში ბავშვთა თეატრალურმა დასმა (რეჟისორი ბესიკ ლომსაძე) წარმოადგინა პრემიერა სპექტაკლისა – ,,კომბლე”.
პატარა მსახიობებმა გამორჩეული მსახიობური ოსტატობით შეასრულეს თავიანთი როლები. სპექტაკლმა მაყურებლის დიდი მოწონება დაიმსახურა.
აღსანიშნავია, რომ 25 მაისს, ცენტრის ბავშვთა თეატრალურმა დასმა (რეჟისორი ბესიკ ლომსაძე) სპექტაკლით „კომბლე”, მონაწილეობა მიიღო სიღნაღის ბავშვთა და მოზარდთა თეატრალურ ფესტივალში ,,ქიზიყი 2025”.
დასმა ჟიურის გადაწყვეტილებით 6 ნომინაციაში მიიღო პრიზი:
1. საუკეთესო მამაკაცის როლი – სანდრო ჭადაშვილი
2. საუკეთესო ეპიზოდური როლი – ნუცა მაჩხანელი
3. საუკეთესო მეორეხარისხოვანი ქალის როლი – მარიამ ტატიშვილი
4. საუკეთესო მიზანსცენები
5. საუკეთესო სცენოგრაფია
6. საუკეთესო კოსტუმირებული სპექტაკლი.
მადლობა რეჟისორ ბესიკ ლომსაძეს და მოსწავლე-ახალგაზრდებს ამ წარმატებისათვის!