ხელვაჩაურის მუნიციპალიტეტში ინფრასტრუქტურული სამუშაოები გრძელდება, მერი პროექტების მიმდინარეობას ადგილზე გაეცნო.
ხელვაჩაურის მუნიციპალიტეტის მერმა, ზაზა დიასამიძემ, უმაღლესი საბჭოს წევრთან, მინდია დიასამიძესთან, საკრებულოსა და მერიის სამსახურების წარმომადგენლებთან ერთად, ახალშენის ადმინისტრაციულ ერთეულში მიმდინარე ინფრასტრუქტურული სამუშაოები მოინახულა.
სოფელ სამებაში სასმელი წყლის რეზერვუარის მოწყობა მიმდინარეობს, სოფელ ახალშენში კვირიკაძეებისა და დევაძეების დასახლებაში კი სასმელი წყლის მაგისტრალის მოწყობა ხორციელდება.
პროექტების დასრულების შემდეგ, ახალშენისა და ორთაბათუმის ადმინისტრაციულ ერთეულებში შემავალი სოფლების 600-მდე ოჯახი უწყვეტი წყლის მომარაგებით ისარგებლებს.