ხელვაჩაურის მუნიციპალიტეტში ინფრასტრუქტურული სამუშაოები გრძელდება – მერი პროექტების მიმდინარეობას ადგილზე გაეცნო.
ხელვაჩაურის მუნიციპალიტეტის მერმა, ზაზა დიასამიძემ საკრებულოსა და მერიის სამსახურების წარმომადგენლებთან ერთად, თხილნარის ადმინისტრაციულ ერთეულში მიმდინარე ფერდსამაგრისა და გაბიონის მოწყობის სამუშაოები დაათვალიერა.
სოფელი მახო – საცხოვრებელ სახლთან და მიმდებარე სოფლის გზასთან დაკავშირებით ფერდსამაგრი კედლის მოწყობის სამუშაოები.
სოფელი თხილნარი (ლანგათი) – საცხოვრებელ სახლთან შიდა სასოფლო გზის მონაკვეთზე გაბიონის მოწყობის სამუშაოები.
აღნიშნული სამუშაოები მიზნად ისახავს, როგორც მოქალაქეების საცხოვრებელი სახლების დაცვას მეწყრული პროცესებისგან, ასევე სოფლის შიდა გზის უსაფრთხოების უზრუნველყოფას.