საქართველოს საპატრიარქო გაფართოებული სონოდალური კომისიის დასკვნას აქვეყნებს.
როგორც დასკვნაშია აღნიშნული, მიმდინარე წლის 19 ივნისს საქართველოს საპატრიარქოში გაიმართა საქართველოს ეკლესიის გაფართოებული სინოდალური კომისიის სხდომა.
„სინოდალური კომისიის წევრებმა მოისმინეს ინფორმაცია მარნეულისა და ჰუჯაბის ეპისკოპოს გიორგისთან (ჯამდელიანი) დაკავშირებული ბოლოდროინდელი მოვლენების შესახებ.
მოსმენილის საფუძველზე, გაფართოებულმა სინოდალურმა კომისიამ შუამდგომლობით მიმართა სრულიად საქართველოს კათოლიკოს-პატრიარქს, უწმინდესსა და უნეტარეს ილია II-ს, რომ, საქმესთან დაკავშირებულ სხვა დეტალებში გარკვევამდე, მარნეულისა და ჰუჯაბის ეპარქიის საეპისკოპოსო სასამართლოს მიერ მიმდინარე წლის 6 ივნისს გამოტანილი განაჩენი შეჩერდეს“, – აღნიშნულია დასკვნაში.
კერძოდ, როგორც ცნობილია 6 ივნისს გაიმართა მარნეულისა და ჰუჯაბის საეპისკოპოსო სასამართლო, რომელზეც „მარნეულისა და ჰუჯაბის ეპისკოპოსის წინააღმდეგ მკვლელობის მცდელობისა და შეთქმულების გამო გ.შ.-ს გულწრფელ სინანულამდე წმინდა და საღვთო ზიარების მიღება აეკრძალა“.