ჩვენ წარსული გამოცდილებიდან არაერთხელ ვნახეთ, რომ ერთი შეხედვით, კეთილშობილური მიზნებით, ცალკეული უცხოური დაფინანსება ხმარდებოდა ისეთ მიზანს, რომელიც არ იყო გათვალისწინებული რეალურად საგრანტო ხელშეკრულებებში, – განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა. მისი თქმით, ამ ფონზე, ბუნებრივია, რომ არსებობს კითხვები ამ საკითხთან დაკავშირებით,
„ნათლად გამოჩნდა, რომ პირდაპირ მიზანი ჰქონდათ, რომ დაფინანსება გაცემულიყო ისეთ ორგანიზაციებზე, რომელთა მიზანი იყო არჩევნების ჩაშლა. ამიტომ, ბუნებრივია, რომ ჩნდება კითხვები არა მარტო ამ დაფინანსებასთან, არა არამედ სხვა დაფინანსებებთან დაკავშირებითაც“, – აცხადებს მახაშვილი.
პარლამენტის თავმჯდომარე ბრიტანეთის საელჩოს მიმართავს გაასაჯაროოს ინფორმაცია, ვის და რა თანხით აფინანსებდა დიპლომატიური წარმომადგენლობა 2024 წლის საპარლამენტო არჩევნებთან დაკავშირებით. შალვა პაპუაშვილის ინტერესის სფეროა ასევე მიმდინარე დაფინანსებებიც.