ხელვაჩაურის მუნიციპალიტეტში ახალგაზრდობის რეგიონული ცენტრის ორგანიზებით ,,მთის ფესტივალი” გაიმართა.
ფესტივალზე წარმოდგენილი იყო სხვადასხვა სახის კულტურული, გასართობი და შემეცნებითი ღონისძიებები, მოწყობილი იყო ბავშვთა გასართობი სივრცეები, სპეციალურად დამზადებული ინსტალაციები და ლამაზი დეკორაციები, ფესტივალში მონაწილეობა მიიღეს ადგილობრივმა მეწარმეებმა.
ფესტივალის პარალელურად მიმდინარეობდა სპორტული აქტივობები, რომელშიც აქტიურად იყვნენ ჩართული ახალგაზრდები. გამარჯვებულებს გადაეცათ ფასიანი საჩუქრები.
ფესტივალს მუსიკალურად მოწვეული ბენდები: ბსუ-ს ,,პროექტი 33, WHY NOT და DJ CHEEKY აფორმებდა.
ღონისძიებას, ხელვაჩაურის მუნიციპალიტეტის მერის პირველი მოადგილე მირიან კვირიტიძე და საკრებულოს წარმომადგენლები ესწრებოდნენ.