ხელვაჩაურის მუნიციპალიტეტის ტერიტორიაზე ინფრასტრუქტურული სამუშაოები აქტიურად მიმდინარეობს. ხელვაჩაურის მუნიციპალიტეტის მერმა ზაზა დიასამიძემ, შარაბიძეებისა და ახალშენის ადმინისტრაციულ ერთეულში სპორტული ინფრასტრუქტურის სამშენებლო-სარეაბილიტაციო სამუშაოები დაათვალიერა და ადგილობრივ მოსახლეობას შეხვდა.
სოფელი ზანაქიძეებში მიმდინარეობს მინი სპორტული მოედნის მოწყობა
სოფელი სამება – მიმდინარეობს მინი სპორტული მოედნისა და საზოგადოებრივი სკვერის მოწყობა
პროექტების ფარგლებში, განხორციელდება არსებული სპორტული მოედნების სრული რეაბილიტაცია, მოეწყობა სექციური ღობე, განათება, ხელოვნური მინდვრის საფარი.
სკვერში დაირგვება მწვანე ნარგავები, განთავსდება მოსასვენებელი სკამები და განათებები.
მიმდინარე ინფრასტრუქტურული სამუშაოები, მუნიციპალიტეტის მერთან ერთად საკრებულოს თავმჯდომარე თენგიზ ირემაძემ, მერის მოადგილე მანუჩარ მანველიძემ, საკრებულოს წევრებმა და სამსახურის წარმომადგენლებმა დაათვალიერეს.