ლანჩხუთის მუნიციპალიტეტში ტრადიციული სახალხო დღესასწაული „ჩიბათობა“ და სვიმონ კანანელის ხსენების დღე აღინიშნა.
ღონისძიებას გურიის მხარეში სახელმწიფო რწმუნებული გიორგი ღურჯუმელიძე, საქართველოს პარლამენტში გურიის დელეგატი ვასილ ჩიგოგიძე, პარლამენტის წევრი იოსებ ჯორბენაძე, ლანჩხუთის მერი ალექსანდრე სარიშვილი და საკრებულოს თავმჯდომარე ბესიკ ტაბიძე დაესწრნენ.
ჩიბათელი მხედრების სკვერში გურული მხედრების მონუმენტი საზეიმოდ გაიხსნა.
ღონისძიების ფარგლებში სტუმრებმა სოფელში ახალი ამბულატორიაც გახსნეს.
დღის განმავლობაში გაიმართა ტრადიციული სპორტული ღონისძიებები — ფეხბურთის მატჩი და დოღი, რომელშიც 20-მდე ცხენოსანი მონაწილეობდა.
ჩიბათის საჯარო სკოლაში ბოლო ზარი გაიმართა.
საღამოს კი სცენაზე გია ბაღაშვილი და ჯგუფი „ქუჩის მუსიკოსები“ წარდგნენ.