აჭარის ავტონომიური რესპუბლიკის მთავრობის თავმჯდომარე, სულხან თამაზაშვილი ბათუმის შოთა რუსთაველის სახელმწიფო უნივერსიტეტის რექტორს, ტიტე აროშიძეს შეხვდა.
რექტორმა მთავრობის თავმჯდომარეს უნივერსიტეტის საქმიანობა გააცნო. შეხვედრაზე მხარეებმა იმ საერთო ხედვებსა და გამოწვევებზე იმსჯელეს, რაც განათლების სისტემის გაძლიერებასა და ახალგაზრდების პროფესიულ განვითარებას უკავშირდება.
„განათლების მხარდაჭერა აჭარის მთავრობის ერთ-ერთი მთავარი პრიორიტეტია. სწორედ ამიტომ, გვაქვს მიზანი მაქსიმალურად გამოვიყენოთ ყველა არსებული რესურსი და ახალგაზრდებს მივცეთ განათლების მიღების მრავალფეროვანი შესაძლებლობა,“ – აღნიშნა სულხან თამაზაშვილმა.