როდესაც ჩვენ ვხედავთ საქართველოსთან მიმართებით ამ დუმილს, გამოდის, რომ ტრამპის ადმინისტრაცია იკავებს გაუქმებული USAID – ის პოზიციებს. ვფიქრობ, რომ მნიშვნელოვანია იდგნენ არა გაუქმებული USAID – ის მხარეს, არამედ ქართველი და ამერიკელი ხალხის თანამშრომლობის მხარეს, – აღნიშნა ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე რატი იონათამიშვილმა.
„იმის შეხსენება, რომ საქართველომ გაიღო ძალიან ბევრი ამერიკისთვის და საერთაშორისო მშვიდობისთვის, ამ მხრივ შეიძლება ითქვას გამორჩეული პარტნიორი და მხარდამჭერი იყო საქართველო აშშ-ის, ეს არის ანგარიშგასაწევი და დასაფასებელი. ვინც ამას არ ითვალისწინებდა ეს ჩვენ ვიცით რომ იყო „დიფ სთეითი“ და წინა პრეზიდენტის ადმინისტრაცია, რომელიც უხეშად ლახავდა ქართველი ხალხის ინტერესებს. ვფიქრობ, რომ ნამდვილად მოვიდა დრო იმისა, რომ კონკრეტული განცხადებები გაკეთდეს“, – აღნიშნა რატი იონათამიშვილმა.
პარლამენტი ე.წ. მეგობარ აქტთან დაკავშირებით განცხადებას მიიღებს. ამის თაობაზე, ცნობილი პრემიერ მინისტრის ღია წერილის გამოქვეყნების შემდეგ გახდა, რომლის ადრესატებიც ამერიკის შეერთებული შტატების პრეზიდენტი და ვიცე პრეზიდენტი არიან. საკითხზე პარლამენტის თავმჯდომარემ ბიუროს სხდომაზე ისაუბრა.