როდესაც ორი კვირის განმავლობაში ემზადები 9 მაისს ჩასატარებელი აქციისთვის და ათი პარტია შეძლებს მაქსიმუმ 2 ათასი ადამიანის მობილიზებას, ეს ზუსტად მეტყველებს იმაზე, თუ რა ღრმა კრიზისშია, ზოგადად, ოპოზიცია, – განუცხადა ჟურნალისტებს საპარლამენტო უმრავლესობის წევრმა ირაკლი ჭეიშვილმა გუშინდელ აქციასთან დაკავშირებით.
მისი თქმით, უკვე საკუთარი მხარდამჭერებიც არ ენდობიან ოპოზიციურ პარტიებს.
„როდესაც ორი კვირის განმავლობაში ემზადები 9 მაისს ჩასატარებელი აქციისთვის და ათი პარტია შეძლებს მაქსიმუმ 2 ათასი ადამიანის მობილიზებას, ეს ზუსტად მეტყველებს იმაზე, თუ რა ღრმა კრიზისშია, ზოგადად, ოპოზიცია.
უკვე საკუთარი მხარდამჭერებიც არ ენდობიან ოპოზიციურ პარტიებს იმიტომ, რომ ტყუილზე და ზოგადად, ქვეყნის მტრობაზე აგებული პოლიტიკა აქვთ ამ წლების განმავლობაში“, – აღნიშნა ირაკლი ჭეიშვილმა.
9 მაისს, ევროპის მოედანზე აქცია გაიმართა, რომლის ორგანიზება და ანონსი რამდენიმე კვირის წინ დაიწყო. დანიშნულების ადგილამდე რამდენიმე ადგილიდან მსვლელობა გაიმართა.