გურიის მხარეში სახელმწიფო რწმუნებულმა გიორგი ღურჯუმელიძემ ფაშიზმზე გამარჯვების 80 წლისთავთან დაკავშირებით მეორე მსოფლიო ომში დაღუპული გმირების მემორიალი ყვავილებით შეამკო. სახელმწიფო რწმუნებული მემორიალთან მოადგილეებთან და ადგილობრივი ხელისუფლების წარმომადგენლებთან ერთად იმყოფებოდა.
გიორგი ღურჯუმელიძე გურიის რეგიონში მცხოვრებ ვეტერანებს, გალაქტიონ ჩხიკვაძესა და შოთა გოგატაძეს სახლში ესტუმრა და გამარჯვების დღე მიულოცა. საქართველოს მთავრობის გადაწყვეტილებით, მეორე მსოფლიო ომის მონაწილეები ერთჯერადად 2000 ლარს, ხოლო მეორე მსოფლიო ომში დაღუპულთა ოჯახის წევრები 1000 ლარს მიიღებენ.