„ხალხის ძალის“ წევრი თამთა მეგრელიშვილი გლდანის N8 პენიტენციური დაწესებულებიდან “ვივამედში” გადაყვანილი პატიმრის იოსებ გორგაძის გარდაცვალებას ეხმიანება.
როგორც მეგრელიშვილი აღნიშნავს, მისი ადვოკატის პოზიცია, რომ პატიმარი ციხეში მიყენებული დაზიანებების გამო გარდაიცვალა არ შეესაბამება სიმართლეს, გორგაძე არტერიული ჰიპერტენზიის შედეგად პენიტენციური დაწესებულების საპირფარეშოში დაეცა რის შედეგადაც მიიღო სხეულის დაზიანება (დაარტყა თავი) და მიუხედავად იმისა, რომ დროულად იქნა გადაყვანილი საავადმყოფოში მისი გადარჩენა ვერ მოხერხდა.
„გლდანის მერვე პენიტენციური დაწესებულებიდან “ვივამედში” გადაყვანილი იოსებ გორგაძე გარდაიცვალა. მისი ადვოკატის პოზიცია, რომ პატიმარი ციხეში მიყენებული დაზიანებების გამო გარდაიცვალა არ შეესაბამება სიმართლეს, არის ტყუილი.
იოსებ გორგაძე არტერიული ჰიპერტენზიის შედეგად პენიტენციური დაწესებულების საპირფარეშოში დაეცა რის შედეგადაც მიიღო სხეულის დაზიანება (დაარტყა თავი).
ის დროულად იქნა გადაყვანილი საავადმყოფოში თუმცა მისი გადარჩენა ვერ მოხერხდა.
მორჩით ამ თემით სპეკულაციას. არანაირ ცემასა და წამებას ადგილი არ ჰქონია და ნუ ითამაშებთ ადამიანების ემოციებზე“, – წერს თამთა მეგრელიშვილი.