დისკრედიტაციის მცდელობა და მორიგი ფეიკ ნიუსი ტელეკომპანია „იმედის“ წინააღმდეგ. სოციალურ ქსელში ვრცელდება გაყალბებული ვიდეომასალა, თითქოს „იმედის“ ჟურნალისტი სიტყვიერ შეურაცხყოფას აყენებს პარტია „საქართველოსთვის“ თავმჯდომარეს გიორგი გახარიას, უყვირის და აგინებს მას.
ვიდეოზე, რომელსაც „იმედის“ ლოგო ადევს, ხმა გადადებულია და შეიცავს არამხოლოდ ჟურნალისტისთვის შეუფერებელ, არამედ ზოგადად არაეთიკურ შინაარსს. ვაცხადებთ, რომ ფეიკ-ვიდეოს არანაირი კავშირი არ აქვს ტელეკომპანია „იმედთან“ და მის არცერთ ჟურნალისტთან.
