ყველაფერი 2019 წლის 9 სექტემბერს დაიწყო, როდესაც რუსთავი2-ის ყოფილმა გუნდმა “მთავარი არხი დააფუძნა. 5 წლის შემდეგ კი, ტელევიზია იხურება.
1 მაისიდან ტელეკომპანია მთავარი არხი მაუწყებლობას წყვეტს და იხურება. ამის შესახებ ინფორმაცია თანამშრომლებმა გენერალური დირექტორისგან, გიორგი გაბუნიასგან მიიღეს.
არხის დახურვას ადასტურებს საინფორმაციო გამოშვების ჟურნალისტი თათია წოწონავაც, რომელიც სოციალურ ქსელში წერს:
“დღეს ბოლო იმედიც ჩაქრა, ჩემი და მთავარი არხის თანაცხოვრება დასრულებულია და გული ძალიან მწყდება, რომ ამ ყველაფერს ამ ფორმით იგებს ყველა.”– წერს თათია წოწონავა.
იმედიანად არის განწყობილი ნიკა გვარამია, რომელიც წერს:
“დაიხურება მთავარი არხი, გაიხსნება ახალი. სხვანაირად არ და ვერ იქნება, მჯერა და ვიცი. მთავარია ქვეყანა არ დაიხუროს, თორემ მერე გინდა დახურე, გინდა გახსენი, აზრი არ ექნება არაფერს. – ნიკა გვარამია