საქართველოს განათლების, მეცნიერებისა და ახალგაზრდობის სამინისტროს მხარდაჭერით, ოზურგეთში პროექტის – „ახალგაზრდული რეგიონული პლატფორმის ჩამოყალიბება გურიის რეგიონში‘‘ შემაჯამებელი ღონისძიება გაიმართა.
პროექტის მიზანი არაფორმალური განათლების გზით, ახალგაზრდების პიროვნული და პროფესიული განვითარების ხელშეწყობა, ასევე, გურიის რეგიონის მუნიციპალიტეტებში არსებული ახალგაზრდული სივრცეების ფუნქციური გაძლიერებაა.
ღონისძიებას საქართველოს განათლების, მეცნიერებისა და ახალგაზრდობის მინისტრი ალექსანდრე წულაძე, გურიის მხარეში სახელმწიფო რწმუნებული გიორგი ურუშაძე, ოზურგეთის მუნიციპალიტეტის მერი ავთანდილ თალაკვაძე, ოზურგეთის საკრებულოს თავმჯდომარე დავით დარჩია, ლანჩხუთის მუნიციპალიტეტის მერი ალექსანდრე სარიშვილი, ლანჩხუთის საკრებულოს თავმჯდომარე ბესიკ ტაბიძე და ახალგაზრდობის სააგენტოს ხელმძღვანელის მოვალეობის შემსრულებელი ვახტანგ ბააკაშვილი დაესწრნენ.