ამბროლაურში საგზაო ინფრასტრუქტურის მოწესრიგება მიმდინარეობს

274
წაკითხვა/ნახვა
რეკლამა -------------------- IMG.GE

ამბროლაურის მუნიციპალიტეტის მერის – ზვიად მხეიძის განცხადებით ამბროლაურის
მუნიციპალიტეტში საგზაო ინფრასტრუქტურის მოწესრიგება აქტიურ რეჟიმში
მიმდინარეობს.
,,ქალაქ ამბროლაურში კოსტავასა და ბრატისლავა-რაჭის ქუჩების კეთილმოწყობა
ხორციელდება. პარალელურად გზებზე ასფალტო-ბეტონის საფარის მოწყობა 4 სოფელში
მიმდინარეობს, 12 სოფელში კი გზების საპროექტო სამუშაოები ხორციელდება.
ვცდილობთ მაქსიმალურად ბევრი სოფელი მოვიცვათ, თუმცა ყველა მიმართულებით
ასფალტის საფარის მოწყობა შეუძლებელია, ამიტომ ეტაპობრივად ვახორციელებთ
პრობლემური მონაკვეთების მოწესრიგებას, რათა გადაადგილება შესაძლებელი იყოს
ყველა სახის სატრანსპორტო საშუალებისთვის.
აქტიურად მიმდინარეობს ასევე ,,სოფლის მხარდაჭერის პროგრამის“ ფარგლებში
განსახორციელებელ პროექტებზე მუშაობა. წელს, ამ მიმართულებით 785 000 ლარი
იხარჯება. ძირითად პრიორიტეტებად შერჩეულია შიდა გზების რეაბილიტაცია, გარე
განათების მოწყობა, წყალსადენი სისტემების მოწესრიგება, გაბიონებისა და სანიაღვრე
არხების გაკეთება, სპორტული ინფრასტრუქტურის მშენებლობა და სხვა.
მნიშვნელოვანია, რომ განსახორციელებელი პროექტების პრიორიტეტულობას
მოსახლეობა თავად განსაზღვრავს. შესაბამისად, ეს პროგრამა ხელს უწყობს მოქალაქეთა
ჩართულობის გაზრდას მათი სოფლისთვის მნიშვნელოვანი საკითხების მოგვარებასა და
თემის პრიორიტეტების შერჩევაში.
ჩვენი მიზანია მუნიციპალიტეტის ყველა სოფელი კეთილმოწყობილი საავტომობილო
გზებით სარგებლობდეს, ამიტომ აღნიშნული მიმართულებით სამუშაოები მომავალშიც
აქტიურად გაგრძელდება“ – აღნიშნა ამბროლაურის მუნიციპალიტეტის მერმა ზვიად
მხეიძემ.

კომენტარები
რეკლამა
მოწონება