ექსპლუატაციასთან დაკავშირებული რეგულაცია იმ მშენებლობებს შეეხება, რომლებზეც ნებართვა 2022 წლიდან გაიცემა

211
წაკითხვა/ნახვა
რეკლამა

თბილისის ვიცე-მერის ირაკლი ხმალაძის განცხადებით, ექსპლუატაციაში
შესვლასთან დაკავშირებული რეგულაცია იმ მშენებლობებს შეეხება, რომლებზეც
სამშენებლო ნებართვა 2022 წლიდან გაიცემა.

როგორც ხმალაძემ ჟურნალისტებს განუცხადა, სამშენებლო ამნისტიის კანონპროექტი ბიზნესთან მჭიდრო კომუნიკაციის შედეგად მომზადდა.

„სამშენებლო სექტორთან კომუნიკაცია კანონპროექტის მომზადების ეტაპზევე
გვქონდა. ეს პუნქტი მათთან დეტალურად გავიარეთ. ყველა ერთსულოვნად
შევთანხმდით, რომ ეს რეგულაცია სწორია.

ის, რომ დღეს, ხალხი ექსპლუატაციაში მიუღებელ საცხოვრებელ სახლებშია შესახლებული, სწორედ ამ რეგულაციის არარსებობის ბრალია. ყველა ერთხმად შევთანხმდით, რომ ეს საჭიროა.

ამ საკითხთან დაკავშირებით ბიზნესის მხრიდან იყო ორი თხოვნა: თუ შეიძლებოდა, რომ ამ მუხლის ამოქმედების ვადა ყოფილიყო ცოტა უფრო შორს. შევთანხმდით, რომ ეს წესი გავრცელდება იმ მშენებლობებზე, რომლებზეც მშენებლობის ნებართვა გაიცემა 2022 წლის 1 იანვრიდან.

ეს არის ყველაზე მნიშვნელოვანი. მათთან კომუნიკაციის გზით მოხდა ამის რეგლამენტირება“, – განაცხადა ირაკლი ხმალაძემ.

კომენტარები
რეკლამა
მოწონება